PERTEMUAN 12
A.
KOMPETENSI DASAR
3.5 Memahami struktur
teks, unsur kebahasaan, dan
pesan moral lagu tembang
macapat dan kreasi secara lisan
dan tulis.
4.5 Melagukan
dan mengungkapkan pesan tembang
macapat dan lagu kreasi.
B.
TUJUAN
Setelah
membaca atau mendengarkan
teks tembang kreasi, siswa dapat
1.
menyimpulkan pesan moral dalam
tembang kreasi baru dengan tepat.
C.
RINGKASAN MATERI
PESAN
MORAL TEMBANG KREASI BARU
Padang Wulan
Yo ‘pra kanca dolanan ing jaba
padhang wulan padhange kaya rina
Rembulane e sing awe-awe
Ngelingake aja padha turu sore
Yo ‘pra kanca dolanan ing jaba
rame-rame kene akeh kancane
Langite pancen sumebyar rina
yo padha dolanan sinambi guyonan
Lir ilir
Lir-ilir, lir-ilir
tandure wis sumilir
Tak ijo royo-royo tak senggo temanten anyar
Cah angon-cah angon penekno blimbing kuwi
Lunyu-lunyu yo penekno kanggo mbasuh dodotiro
Dodotiro-dodotiro kumitir bedhah ing pinggir
Dondomono jlumatono kanggo sebo mengko sore
Mumpung padhang rembulane mumpung jembar kalangane
Yo surako… surak hiyo…
Cakepan tembang
Padhang Wulan ora
liya lelagon tembang dolanan kang
dianggit dening RC Hardjasoebrata lan Lir-Ilir dening Sunan Kalijaga. Tembang iki
nganti saiki isih
ngrembaka lan disenengi
meh kabeh lapisan masyarakat Jawa. Senajan tembang-tembang
iku kalebu tembang dolanan, migunakake
ukara prasaja, ananging
duweni pitutur kang menthes.
Padhang
Wulan tuladhane ngandhut
pitutur utawa pesan moral antarane
ngajari supaya bocah-bocah
kenal lan ngggatekake marang alam sekitar wiwit cilik kanthi bebarengan karo
kancane. Tembang Padhang Wulan iku uga ngandhut pitutur kang isine ngelingake supaya
awake tansah bersyukur marang kaendahan alam. Kanggo mujudake rasa syukur iku,
pangarepe aja turu sore-sore. Waktune bisa kanggo kekancan bebarengan utawa
kanggo ngibadah bengi.
Dene tembang Lir-Ilir uga ngandhut pitutur luhur kang menthes. Saka tembang iki, panganggit ngelingake supaya
awake kudu ngati-ati nalika ngayahi urip ing dunya iki. Awake kudu tansah lelaku becik lan ninggalake maksita supaya ora
muspra sing dilakoni nalika isih diwenehi kajembaran wektu lan kesempatan.
Isih akeh
pitutur luhur kang
bisa didhudhah saka
tembang dolanan lan tembang
kreasi liyane. Saben
cakepan bisa dionceki
mungguh tuladha pakarti lan
pitutur kang migunani
tumrap panguripan. Ora
mung budi pakarti, nanging
uga ilmu pengetahuan
werna-werna kang disajekake kanthi entheng
lan nyenengake. Cocog
karo jenenge tembang
dolanan, isine bisa kanggo suka parisuka.
GLADHEN
1.
Goleka tuladha tembang
dolanan 1 wae, banjur salinen!
2.
Purwakanthi apa bae kang
tinemu ing cakepan tembang kasebut? Jlentrehna!
3.
Jelasna pitutur luhur kang
kinandhut ing tembang kasebut!
4.
Tugas dikirim ing link
ngisor iki
7A https://forms.gle/gAn12NP2BRz8hVaq9
7B https://forms.gle/2xYyjJuf7a5JfN8C7
