TEKS PROFIL TOKOH

PERTEMUAN 6

 

A.     KOMPETENSI DASAR

3.2  Memahami struktur teks, dan unsur kebahasaan dari teks lisan dan tulis untuk menceritakan pengalaman pribadi, profil tokoh, kegiatan, atau prastawa.

4.2  Menceritakan pengalaman pribadi, profil tokoh, kegiatan, atau prastawa dengan menggunakan tata krama.

 

B.     TUJUAN

Setelah membaca teks dheskriptif, siswa dapat

1.      mengidentifikasikan unsur kebahasaan teks profil tokoh (tembung rangkap) dengan cermat.

  

C.      RINGKASAN MATERI 

UNSUR  BASA   TEKS PROFIL TOKOH

Ing pasinaon kepungkur, unsur basa kang wis disianoni babagan tembung lingga lan temung andhahan. Saiki bakal dijlentrehake terusane kebahasaan ing teks profil tokoh, yaiku jinis-jinise tembung rangkap. Supaya  bisa  mbedakake  tembung-tembung  kasebut, gatekno kanthi patitis materi ing  ngisor iki.

1.      Tembung Rangkap

Tembung rangkep iku wujude ana macem-macem kaya ing ngisor iki.

a.       Tembung Dwilingga

Tembung dwilingga yaiku tembung lingga (kata dasar) sing dirangkep.

Tuladha:  bocah-bocah, gawe-gawe, seneng-seneng, ayu-ayu, lan sapanunggalane.

b.      Tembung Dwilingga Salin Swara

Tembung  dwilingga  salin  swara  yaiku  tembung  lingga  yen dirangkep, nanging swarane owah/salin.

Tuladha:  bola-bali,  gonta-ganti,  mesam-mesem, lan sapanunggalane.

c.       Tembung Dwipurwa

Dwi  tegese  loro,  purwa  tegese  wiwitan.  Dadi  tembung  dwipurwa yaiku  tembung  sing  dirangkep  purwaning  tembung  utawa  wanda sing dadi wiwitane tembung.

Tuladha:

 

d.      Tembung Dwiwasana

Tembung dwi tegese loro lan  wasana tegese pungkasan. Tembung dwiwasana iku  tembung  kang  ngrangkep  wasanane  utawa  wanda sing pungkasan wae.

Tuladha:

 

 

Nanging  apa  bener  kaya  mangkono?  Tembung  dwiwasana  yen dirunut  saka  linggane  tegese  bedane  adoh  banget,  mula  tembung dwiwasana  uga  diarani  tembung  rangkep  semu.  Tegese,  katone kaya tembung rangkep, nanging sejatine dudu.

e.       Tembung Camboran (Kata Majemuk)

Tembung   camboran   yaiku  tembung  loro  utawa  luwih  dienggo bebarengan,  lan  nuwuhake  teges  anyar.  Tembung  camboran diperang dadi loro, yaiku:

1)     Tembung camboran wutuh.

Tembung  camboran  wutuh  yaiku  tembung  loro   dicambor/dicampur dadi siji lan sing dicambor wujude tembung wutuh.

Tuladha:

Juru kunci,  bapa biyung,  sepedhah  montor,   rujak  uleg, sandhang pangan, lan sapanunggalane.

2)      Tembung camboran wancah/tugel.

Tembung  camboran  tugel  yaiku  tembung  loro  dicambor  dadi siji,  lan  sing  dicambor  wujud  wancahan  utawa  tugelane tembung.

Tuladha:

paklik                   bapak cilik

bangjo                 abang ijo

lunglit                  balung kulit

GLADHEN

Supaya luwih mangerteni materi babagan kebahasaan teks profil tokoh, kerjakno gladhen kanthi klik link ing ngisor iki!

GLADHEN TEKS PROFIL TOKOH 7A

GLADHEN 3 TEKS PROFIL TOKOH 7B

GLADHEN 3 TEKS PROFIL TOKOH 7C

GLADHEN 3 TEKS PROFIL TOKOH 7D

 

TEKS PROFIL TOKOH

PERTEMUAN 5

 

A.     KOMPETENSI DASAR

3.2  Memahami struktur teks, dan unsur kebahasaan dari teks lisan dan tulis untuk menceritakan pengalaman pribadi, profil tokoh, kegiatan, atau prastawa.

4.2  Menceritakan pengalaman pribadi, profil tokoh, kegiatan, atau prastawa dengan menggunakan tata krama.

 

B.     TUJUAN

Setelah membaca teks dheskriptif, siswa dapat

1.      mengidentifikasikan unsur kebahasaan teks profil tokoh dengan cermat.

  

C.      RINGKASAN MATERI 

UNSUR  BASA   TEKS PROFIL TOKOH

Unsur basa kang ana ing sajroning teks profil  tokoh  kang dimaksud yaiku jinis-jinise tembung kang digunakake ing ukara. Supaya  bisa  mbedakake  tembung-tembung  kasebut perlu  nyinaoni  wujude  tembung.  Manut  wujude  tembung   kaperang  dadi loro, yaiku tembung lingga lan tembung andhahan.

1.      Tembung Lingga lan tembung Andhahan

a.       Tembung Lingga (Kata Dasar)

Tembung lingga, yaiku tembung sing durung owah saka asale.

Tuladha:  omah, mlayu,  lunga,  tuku,  klambi, anyar, apik, sapu, lan sapanunggalane.

b.      Tembung Andhahan (Kata Berimbuhan)

Tembung andhahan, yaiku tembung sing wis owah saka asale.

Tuladha: diparingi, nulis, gumuyu, anake,  nggambarake, nyapu, lan sapanunggalane.

 

Pangrimbage/Pandhapuke Tembung Andhahan:

Tembung lingga bisa owah dadi tembung andhahan kanthi cara diwenehi wuwuhan (imbuhan), dirangkep, lan dicampur.

a.       Wuwuhan (imbuhan)

Wuwuhan kaperang dadi telu, yaiku:

1)       Ater-ater (Awalan)

Ater-ater  yaiku  wuwuhan  sing  manggone  ana  ing  sangarepe tembung. Ater-ater iku ga macem-macem jinise.

a)     Ater-ater anuswara: n, m-, ny-, ng-

Gunane kanggo ngrimbag tembung lingga dadi tembung kriya tanduk (kata kerja aktif)

Tuladha:

Tembung Lingga	Ater-ater	Pangrimbage	Tembung Andhahan
waca	m-	m-  + waca	maca
Tulis	n-	n-   + tulis	nulis
Sapu	ny-	ny- + sapu	nyapu
Gambar	ng-	ng- + gambar	nggambar

 

a)     Ater-ater tripurusa: dak- kok-, di-

Gunane kanggo ngrimbag tembung lingga dadi tembung kriya tangap (kata kerja pasif)

Tuladha:

Tembung Lingga	Ater-ater	Pangrimbage	Tembung Andhahan
waca	dak-	dak-  + waca	dakwaca
Tulis	kok-	kok-  + tulis	koktulis
Sapu	ndi-	di-    + sapu	disapu

 

b)     Ater-ater ka-, ma- sa-

Tuladha:

Tembung Lingga	Ater-ater	Pangrimbage	Tembung Andhahan
Waca	ka-	ka-  + waca	kawaca
Guru	ma-	ma-  + guru	maguru
Omah	sa-	sa-    + omah	saomah

 

2)       Seselan (Sisipan)

Seselan yaiku wuwuhan sing manggon ing tengahe tembung. Seselan iku wujude ana 4, yaiku -in-, -um-, -el-, -er-

Tuladha:

Tembung Lingga	Seselan	Pangrimbage	Tembung Andhahan
Tulis	-in-	-in- + tulis	tinulis
Gedhe	-um-	-um- + gedhe	gumedhe
Kepyur	-el-	-el- + kepyur	kelepyur
Kelip	-er-	-er- + kelip	kerelip

 

3)       Panambang (Akhiran)

Panambang yaiku wuwuhan sing manggon ana ing mburine tembung. Panamban wujude: -a,- i-, -e, -en, -an, -ana, -ake, -ne, -na.

Tuladha:

Tembung Lingga	Panambang	Pangrimbage	Tembung Andhahan
Adus	-a	adus + -a	adusa
Tulis	-i	n- + tulis + -i	nulisi
Tangis	-e	tangis + -e	tangise
Jupuk	-en	jupuk + -en	jupuken
Sandhang	-an	sandhang + an	sandhangan
Weneh	-ana	weneh + ana	wenehana
Gambar	-ake	Ng- + gambar +ake	nggambarake

 UJI KOMPETENSI

Supaya luwih mangerteni materi babagan kebahasaan teks profil tokoh, kerjakno gladhen kanthi klik link ing ngisor iki!

GLADHEN 2 TEKS PROFIL TOKOH 7A

GLADHEN 2 TEKS PROFILTOKOH 7B

GLADHEN 2 TEKS PROFI TOKOH 7C

GLADHEN 2 TEKS PROFIL TOKOH 7D

TEKS PROFIL TOKOH

PERTEMUAN 4

A.     KOMPETENSI DASAR

3.2  Memahami struktur teks dan unsur kebahasaan dari teks lisan dan tulis untuk menceritakan pengalaman pribadi, profil tokoh, kegiatan, atau prastawa.

4.2  Menceritakan pengalaman pribadi, profil tokoh, kegiatan, atau prastawa dengan menggunakan tata krama.

 

B.     TUJUAN

Setelah membaca teks dheskriptif, siswa dapat

1.      mengidentifikasi struktur teks dheskriptif dengan tepat secara mandiri.

2.      Menyimpulan isi teks profil tokoh dengan tepat.

  

C.      RINGKASAN MATERI 

TEKS PROFIL TOKOH

Teks  profil  tokoh  uga  diarani  teks  biografi.  Teks  kasebut  klebu  jinise  teks naratif.   Teks  profil  tokoh  utawa  teks  biografi, yaiku teks kang nggambarake  tokoh  lan  prastawa apa  wae  sing  tau  dialami  dening  tokoh  kasebut.  Kanggo  nggampangake mangerteni  isine  teks  profil  tokoh  utawa  teks biografi  ana  bab-bab  sing  kudu dijingglengi,  yaiku  (1)  irah-irahan/judhul,  (2)  babagan  sing  narik  kawigaten  sing tau dialami dening tokoh, (3) tindak-tanduk, gagasan sing bisa dituladha.    

 

STRUKTUR TEKS PROFIL TOKOH

Sruktur teks profil tokoh iku dibagi dadi 3 perangan, yaiku orientasi, prastawa, lan reorientasi.

a.       Orientasi  yaiku  yaiku  bagean  teks  sing  isine  ngenalake  tokoh,  umume ngandharake jeneng, papan kelairan, lan kulawargane.

b.      Prastawa  yaiku  bagean  sing  ngandharake  kahanan,  prastawa,  masalah sing  tau  dialami  nanging  sing  menjila  lan  duwe  kesan  mirunggan  kang bisa didadekake tepa-tuladha.

c.       Reorientasi  yaiku  bagean  panutup  lan  ngandharake  pandhangan  lan pamawase  panulis marang tokoh sing dicritakake.

 

TULADHANE TEKS PROFIL TOKOH

 

RADEN AJENG KARTNI

Raden   Ajeng  Kartini  miyos  tanggal  21  April  1879  ing Jepara,  Jawa  Tengah.  Panjenengane  isih  klebu  golongan kaum  bangsawan,  jalaran  Raden  Ajeng  Kartini  putrane bupati  Jepara  kang  asma  Raden  Mas  Adipati  Ario Sosrodiningrat lan ibune asma M.A Ngasirah. Raden Ajeng Kartini kuwi putra  pambarep, kagungan adhi loro yaiku Raden Ajeng Kardinah lan Raden Ajeng Rukmini.

Raden  Ajeng  Kartini  sekolah  ana  ing  ELS  (Europese  Lagere  School).  Ing pasinaon  piyambake  klebu  murid  sing  sregep.  Sasuwene  sinau  ing  ELS  uga nyinaoni  basa  Walanda,  mula  Raden  Ajeng  Kartini  bisa  nguwasani  basa  Walanda kanthi  becik.  Nanging  emane,  sawise  umur  12  taun  Kartini  kudu  ninggalake pamulangan,  jalaran  kudu  dipingit.  Raden  Ajeng  Kartini  nelangsa  banget.  Arep nulak  ora  wani,  piyambake  wedi  diarani  ora  ngerti  adat.  Kabeh  mau  dilakoni kanthi susahing ati. Kanggo nglipur ati, Kartini nglumpukake buku-buku pelajaran lan buku pengetahuan umum kanggo wacan nalika dina-dinane krasa sepi. Saben dina pegaweane maca lan maca kanthi dikancani abdi kinasihe.

Maca   malih  dadi  hobi.  Ora  mung  buku  wae  sing  diwaca,  nanging  surat kabar uga diwaca. Menawa ana  bab-bab sing ora dingerteni Kartini nyuwun pirsa marang Ramane. Amarga sregep maca wawasane tambah akeh. Kartini ngerti yen para  wanita  Eropa  kuwi  wis  maju,  pikirane  maju,  lan  wawasane  jembar.  Raden Ajeng  Kartini  nduweni  pepinginan  amrih  wanita  Indonesia  uga  maju,  ora  mung dadi  kanca  wingking  wae.  Raden  Ajeng  Kartini  nglumpukake  kanca-kancane kanggo  diwulang  nulis  lan  maca.  Ing  sela-selane  wektu  kuwi  Kartini  asring  nulis layang  kanggo  kanca-kancane  sing  ana  ing  negara  Walanda.  Panjenengane  uga nulis  surat  kagem  Mr. J. H  Abendanon  supaya  diparingi  beasiswa  kanggo  sekolah menyang Walanda.

Raden  Ajeng  Kartini  klakon  oleh  beasiswa,  nanging  emane  ora  dilakoni, jalaran ing wektu iku uga Kartini kudu manut wong tuwane dinikahake karo Bupati Rembang  kang  sesilih  Raden  Adipati  Joyodiningrat.  Sawise  krama  Panjenengane kudu  ndherek  kakunge  menyang  Rembang.  Ing  Rembang  Raden  Ajeng  Kartini ngedegake sekolah wanita kang disengkuyung dening garwane.

Tanggal  13  September  1904  Raden  Ajeng  Kartini  mbabarake  putra  kakung sing diparingi jeneng Soesalit Djoyoadiningrat. Tanggal 17 September 1904 Raden Ajeng  Kartini  seda  ing  yuswa  25  taun.  Ndeleng  semangate  Raden  Ajeng  Kartini, taun  1912  ing  Semarang  didegake  Sekolah  Wanita  dening  Yayasan  Kartini  sing dipimpin  dening  kulawarga  Van  Deventer.  Banjur kasusul  ing  Surabaya,  Madiun, Cirebon  lan  daerah-daerah  liyane.  Sasedane  Raden  Ajeng  Kartini,  Mr.  J.H Abendanon nglumpukake surat-surat sing tau dikirimake RA Kartini marang kancakancane sing  ana  ing  Eropa  lan  didadekake  buku.  Buku  kasebut  diwenehi irahirahan ”Door Duisternis Tot Light” sing tegese “Habis Gelap Terbitlah Terang”.

Para  wanita  Indonesia  wis  padha  maju,  pendhidhikane  akeh  sing  dhuwur, pegaweane  bisa  sajajar  karo  para  priya.  Kabeh  mau  ora  liya  amarga  kena  daya semangate Raden Ajeng Kartini. Ide-ide, gegayuhan, lan semangate Raden Ajeng Kartini  didadekake  inspirasi,  dituladha  dening  para  wanita  Indonesia  supaya  dadi wong pinter, pinunjul, nanging ora ninggalake kodrat kadidene wanita.

(Sumber: www.kolom.biografi.blogspot.com/16 okt 2014 Kanthi sawetara owah-owahan)

Menawa diperang miturut strukture, teks profil tokoh RADEN AJENG KARTNI kaya ing ngisor iki.

RADEN AJENG KARTNI

Raden   Ajeng  Kartini  miyos  tanggal  21  April  1879  ing Jepara,  Jawa  Tengah.  Panjenengane  isih  klebu  golongan kaum  bangsawan,  jalaran  Raden  Ajeng  Kartini  putrane bupati  Jepara  kang  asma  Raden  Mas  Adipati  Ario Sosrodiningrat lan ibune asma M.A Ngasirah. Raden Ajeng Kartini kuwi putra  pambarep, kagungan adhi loro yaiku Raden Ajeng Kardinah lan Raden Ajeng Rukmini.	Orientasi
Raden  Ajeng  Kartini  sekolah  ana  ing  ELS  (Europese  Lagere  School).  Ing pasinaon  piyambake  klebu  murid  sing  sregep.  Sasuwene  sinau  ing  ELS  uga nyinaoni  basa  Walanda,  mula  Raden  Ajeng  Kartini  bisa  nguwasani  basa  Walanda kanthi  becik.  Nanging  emane,  sawise  umur  12  taun  Kartini  kudu  ninggalake pamulangan,  jalaran  kudu  dipingit.  Raden  Ajeng  Kartini  nelangsa  banget.  Arep nulak  ora  wani,  piyambake  wedi  diarani  ora  ngerti  adat.  Kabeh  mau  dilakoni kanthi susahing ati. Kanggo nglipur ati, Kartini nglumpukake buku-buku pelajaran lan buku pengetahuan umum kanggo wacan nalika dina-dinane krasa sepi. Saben dina pegaweane maca lan maca kanthi dikancani abdi kinasihe. Maca   malih  dadi  hobi.  Ora  mung  buku  wae  sing  diwaca,  nanging  surat kabar uga diwaca. Menawa ana  bab-bab sing ora dingerteni Kartini nyuwun pirsa marang Ramane. Amarga sregep maca wawasane tambah akeh. Kartini ngerti yen para  wanita  Eropa  kuwi  wis  maju,  pikirane  maju,  lan  wawasane  jembar.  Raden Ajeng  Kartini  nduweni  pepinginan  amrih  wanita  Indonesia  uga  maju,  ora  mung dadi  kanca  wingking  wae.  Raden  Ajeng  Kartini  nglumpukake  kanca-kancane kanggo  diwulang  nulis  lan  maca.  Ing  sela-selane  wektu  kuwi  Kartini  asring  nulis layang  kanggo  kanca-kancane  sing  ana  ing  negara  Walanda.  Panjenengane  uga nulis  surat  kagem  Mr.J.H  Abendanon  supaya  diparingi  beasiswa  kanggo  sekolah menyang Walanda. Raden  Ajeng  Kartini  klakon  oleh  beasiswa,  nanging  emane  ora  dilakoni, jalaran ing wektu iku uga Kartini kudu manut wong tuwane dinikahake karo Bupati Rembang  kang  sesilih  Raden  Adipati  Joyodiningrat.  Sawise  krama  Panjenengane kudu  ndherek  kakunge  menyang  Rembang.  Ing  Rembang  Raden  Ajeng  Kartini ngedegake sekolah wanita kang disengkuyung dening garwane. Tanggal  13  September  1904  Raden  Ajeng  Kartini  mbabarake  putra  kakung sing diparingi jeneng Soesalit Djoyoadiningrat. Tanggal 17 September 1904 Raden Ajeng  Kartini  seda  ing  yuswa  25  taun.  Ndeleng  semangate  Raden  Ajeng  Kartini, taun  1912  ing  Semarang  didegake  Sekolah  Wanita  dening  Yayasan  Kartini  sing dipimpin  dening  kulawarga  Van  Deventer.  Banjur  kasusul  ing  Surabaya,  Madiun, Cirebon  lan  daerah-daerah  liyane.  Sasedane  Raden  Ajeng  Kartini,  Mr.  J.H Abendanon nglumpukake surat-surat sing tau dikirimake RA Kartini marang kancakancane  sing  ana  ing  Eropa  lan  didadekake  buku.  Buku  kasebut  diwenehi irahirahan ”Door Duisternis Tot Light” sing tegese ”Habis Gelap Terbitlah Terang”.	Prastawa
Para  wanita  Indonesia  wis  padha  maju,  pendhidhikane  akeh  sing  dhuwur, pegaweane  bisa  sajajar  karo  para  priya.  Kabeh  mau  ora  liya  amarga  kena  daya semangate Raden Ajeng Kartini. Ide-ide , gegayuhan, lan semangate Raden Ajeng Kartini  didadekake  inspirasi,  dituladha  dening  para  wanita  Indonesia  supaya  dadi wong pinter, pinunjul, nanging ora ninggalake kodrat kadidene wanita.	Reorientasi

 

 

UJI KOMPETENSI

Supaya luwih mangerteni materi babagan cerkak, kerjakno gladhen kanthi klik link ing ngisor iki!

GLADHEN 1 TEKS PROFIL TOKOH 7A

GLADHEN 1 TEKS PROFIL TOKOH 7B

GLADHEN 1 TEKS PROFIL TOKOH 7C

GLADHEN 1 TEKS PROFIL TOKOH 7D